(Lenovo) به‌دوای کڕینی به‌شی مۆبایلی (NEC) یه‌وه‌یه‌!

نوسراوە لە لایەن پێشەوا علی پور. بڵاوکراوەتەوە لە بلۆگ

Lenovo به‌دوای کڕینی به‌شی مۆبایلی NEC یه‌وه‌یه‌!

کۆمپانیای یابانی NEC به‌ته‌مایه‌ به‌شی مۆبایلی خۆی به‌هێز بکات. هه‌رچه‌نده‌ تا ئێستا بڕیاری یه‌کجاری له‌مباره‌وه‌ نه‌دراوه،‌ به‌ڵام یه‌کێک له‌ رێگاکانی به‌هێز بوونی به‌شی مۆبایلی ئه‌م کۆمپانیایه‌ له‌ فرۆشتنی ئه‌م به‌شه‌دا ده‌بینن و کۆمپانیای Lenovo یه‌کێکه‌ له‌ مشته‌رییه‌کانی ئه‌م به‌شه‌ که‌ ئێستا له‌گه‌ڵ NEC له‌ دانوستان دایه.‌

له‌ ڕاپۆرتی رۆیتێرز دا هاتووه‌ که‌ کۆمپانیای چینی Lenovo له‌ دانووستان دایه‌ بۆ کڕینی به‌شی مۆبایلی NEC، هه‌رچه‌نده‌ به‌شی مۆبایلی NEC له‌ یابان مشته‌ری تریشی هەیە، به‌ڵام باشترین به‌ربژێر بۆ NEC هه‌مان Lenovo یه‌ که‌ پێشتریش له‌ ساڵی ٢٠١١ دا له‌گه‌ڵ NEC ڕێکەوتننامەی هاوکاریان بۆ به‌رهه‌م هێنانی کۆمپیته‌ری کەسی ئیمزا کردووە.

NEC له‌ به‌یاننامه‌یه‌کدا بڵاوی کرده‌وه‌ کە: "به‌ هۆی ئه‌و گۆڕانه‌ به‌په‌له‌ی که‌ له‌بازاڕدا دروست بووه‌، ئێمه‌ به‌دوای رێگایه‌کین که‌ به‌شی مۆبایلمان به‌هێز بکه‌ین، به‌ڵام هێشتا هیچ بڕیارێکمان نه‌داوە".

NEC له‌ساڵی ٢٠١٢ دا ناچار بوو ١٠ هەزار کرێکاری خۆی له‌ ئیش ده‌ربکات. ئەگەرچی ئەم کۆمپانیایە له‌ بازاڕی جیهانی مۆبایلە هوشیاره‌کاندا به‌شێکی که‌می هه‌یه‌، به‌ڵام له‌ یابان له‌ پله‌ی چواره‌می باشترین به‌رهه‌مه‌کاندایە.

مافی لەبەرگرتنەوەی پارێزراوە © ٢٠١٢